ရတနာသိုက်ကို အမှန်တကယ်ရှာတွေ့ခဲ့ ကြတဲ့ ဖြစ်ရပ်အချို့

ကြည့်ရှုနေကြတဲ့ ရွှေရောင်လမ်း ပရိတ်သတ်များ မဂ်လာပါ

​ပျောက်​ဆုံး​နေတဲ့ရတနာသိုက်​​တွေအ​ကြောင်းကို ကျွန်တော်တို့ ပုံပြ​င်​​တွေ ဒဏာရီ​တွေထဲမှာပဲ ကြားဖူးကြတာပါ။

ရတနာသိုက်​ အမျိုးမျိုးရှိတဲ့အနက်​ ​ရှေး​ခေတ်​ဘုရင်​​တွေရဲ့ ရတနာသိုက်​​တွေ

တစ်​ချိန်​က နန်းစိုက်​ခဲ့တဲ့မြို့​ဟောင်း​တွေကိုပြန်​လည်​တူး​ဖော်​ရင်း​ အစုလိုက်​အပြုံလိုက်​​တွေ့ရှိတဲ့ရတနာ​တိုက်​​တွေ

ကမ္ဘာ့စစ်​ပွဲကြီး​တွေ ဖြစ်​ပွား​နေဆဲကာလမှာ တစ်​နိုင်​ငံရဲ့သယံဇာတ​တွေကို တစ်​နိုင်​ငံကသိမ်းယူရင်း သယ်​ယူပို့​ဆောင်​ရာမှာ ကျ​ပျောက်​ခဲ့တဲ့ ရတနာ​တွေ

သ​င်္ဘောကြီး​တွေနစ်​မြုပ်​ခဲ့ပြီး​နောက်​ ပင်​လယ်​သမုဒ္ဒရာ​အောက်​မှာ အိပ်​စက်​​နေတဲ့များပြားလှစွာ​သောရတနာ​တွေရယ်​လို့ အမျိုးမျိုးရှိကြပါတယ်​။

ရတနာသိုက်​​ဆိုတဲ့​ဝေါဟာရကို ဒဏာရီလို့ပဲ​တွေးတဲ့လူ​တွေရှိသလို

သဲကြီးမဲကြီးလိုက်​လံရှာ​ဖွေ​နေကြတဲ့ ရတနာလိုက်​မုဆိုး​တွေလည်းရှိကြပါတယ်​။

ကြားဖူးနားဝပဲရှိတဲ့ ဒီရတနာ​တွေဟာ “တကယ်​ရော တည်​ရှိ​နေရဲ့လား ရှာ​တွေ့တဲ့လူ​တွေ​ရောရှိရဲ့လား”ဆိုပြီး ​ဝေခွဲမရဖြစ်​​နေတဲ့ ပရိသတ်​တွေ အတွက်​

ဒီ​တစ်ခေါက်မှာ​တော့ ရတနာသိုက်​​တွေကို တကယ်​ရှာ​ဖွေ​တွေ့ရှိသူ​တွေရဲ့အ​ကြောင်း​လေး​တွေကို​ပြောပြ​ပေးသွားမှာဖြစ်​ပါတယ်​။

ပထမဦးဆုံး​ဖော်​ပြ​ပေးချင်​တာ​​တော့ ​ဒေါ်လာ ၃.၂ မီလီယံတန်​​ကြေးရှိတဲ့ရတနာ​တွေကိုရှာ​ဖွေ​တွေ့ရှိခဲ့တဲ့ Cuerdale ရတနာတိုက်​အ​ကြောင်းပဲဖြစ်​ပါတယ်​။

ဒီရတနာ​တွေကို​တော့ အင်္ဂလန်​နိုင်​ငံ Cuerdale မြို့ရဲ့မြစ်​နံ​ဘေးမှာ ​

ရေ​လှောင်​တမံပြန်​လည်​ပြုပြင်​ဖို့တူး​ဖော်​​နေကြတဲ့ အလုပ်​သမား​တွေက ရှာ​တွေ့ခဲ့တာဖြစ်​ပါတယ်​။

အလုပ်​သမား​တွေဟာ ​ရေ​လှောင်​တမံပြုပြင်​ဖို့ တူး​ဖော်​ရင်းနဲ့ ခဲ ​သေတ္တာတစ်​လုံးကိုရှာ​တွေ့ခဲ့ကြပါတယ်​။

မှတ်​တမ်း​များအရ​တော့ ထို​သေတ္တာထဲမှာ ရတနာပစ္စည်း​ပေါင်း ၈၆၀၀​ရှာ​တွေ့ခဲ့တယ်​လို့ သိရပါတယ်​။

ဒါဟာ ၁၈၄၀ခုနှစ်​ရဲ့ရတနာရှာ​တွေ့မှု​တွေထဲမှာ အကြီးမားဆုံး​တွေ့ရှိမှုအဖြစ်​ မှတ်​တမ်းတင်​ခဲ့ပြီး ထိုရတနာ​တွေထဲမှာ ​ငွေဒင်္ဂါးပြား​တွေ ​ကျောက်​မျက်​ရတနာ​တွေ လက်​ဝတ်​ရတနာမျိုးစုံနဲ့ ​​ငွေတုံး​တွေရှာ​တွေ့ခဲ့တယ်​လို့ဆိုပါတယ်​။

ဒီရတနာ​တွေကို​တော့ ဗြိတိန်​အမျိုးသားပြတိုက်​မှာ ပြသထားတယ်​လို့သိရပါတယ်​။

ဒုတိယတစ်​ခုက​တော့ ​ဒေါ်လာ ၁၂၀မီလီယံတန်​ဖိုးရှိတဲ့ ŚRODA ရတနာ​တွေအ​ကြောင်းပဲဖြစ်​ပါတယ်​။

ဒီရတနာ​တွေကို​တော့ Środa Śląskaက အ​ဆောက်​အဦးတစ်​ခုကို ပြန်​လည်​ပြုပြင်​ရင်းနဲ့ အ​ဆောက်​အဦးရဲ့​အောက်​မှာ ​​တွေ့ရှိခဲ့တာပဲဖြစ်​ပါတယ်​။

ထိုအ​ဆောက်​အဦးကို တူး​ဖော်​ရင်း ၁၄ရာစုက ​ငွေဒင်္ဂါး ၃၀၀၀ကိုရှာ​တွေ့ခဲ့ရုံသာမက

ဒီဒင်္ဂါး​တွေရှာမ​တွေ့ခင်​ကလည်း အနီးအနားက အ​ဆောက်​အဦးတစ်​ခုမှာ ​ရွှေ ​ငွေ ​ကျောက်​သံပတ္တမြား​တွေအပြင်​ ​ရွှေသရဖူနဲ့ နဂါး​ဦး​ခေါင်းသဏာန်​ လက်​စွပ်​​တွေကိုလည်း တူး​ဖော်​ရရှိဖူးပါတယ်​။

​နောက်​ထပ်​ရှာ​တွေ့ခဲ့တဲ့ ရတနာ​တွေက​တော့ ​ဒေါ်လာ ၄.၁ မီလီယံတန်​​ကြေးရှိတဲ့ Staffordshire ကရတနာ​တွေပဲဖြစ်​ပါတယ်​။

ဒီရတနာ​တွေကို Terry Herbertဆိုသူက 2009 ခုနှစ်​မှာရှာ​တွေ့ခဲ့တာဖြစ်​ပါတယ်​။

ဒီရတနာ​တွေဟာ အမျိုးအစား​ပေါင်း ၃၅၀၀​ရှိတယ်​လို့သိရပြီး စစ်​တပ်​နဲ့ဆိုင်​တဲ့ရတနာ​တွေလည်းပါဝင်​တယ်​လို့သိရပါတယ်​။

ရတနာ​တွေဟာ ၈ ရာစုက ရတနာ​တွေဖြစ်​မယ်​လို့ခန့်မှန်းရပြီး စစ်​လက်​နတ်​ပစ္စည်း​တွေအပါအဝင်​

ဘာသာမျိုးစုံရဲ့ရုပ်​ထု​တွေလည်းပါဝင်​တယ်​လို့ဆိုထားပါတယ်​။

​နောက်​ဆုံးအ​နေနဲ့ ကမ္ဘာ့အကြီးဆုံး ရတနာရှာ​တွေ့မှုလို့မှတ်​တမ်းတင်​ထားတဲ့ Sree Padmanabhaswamy ဘုရား​ကျောင်းက ရတနာရှာ​တွေ့မှုကို တင်​ဆက်​​ပေးချင်​ပါတယ်​။

အိန္ဒိယနိုင်​ငံရဲ့ Sree Padmanabhaswamy အမည်​ရတဲ့ ဘုရား​ကျောင်းမှာလည်း ရတနာ​တွေအများကြီးရှာ​တွေ့ခဲ့ပါတယ်​။

ဒီရတနာ​တွေဟာ ​တော်​ဝင်​မိသားစုက ဘုရား​ကျောင်းကိုလှူဒါန်းထားတာ ဖြစ်မယ်​လို့ ယူဆကြပြီး

မြွေနဂါးပုံစည်းခတ်​ထားတဲ့တံခါးရဲ့​နောက်​ကွယ်​မှာ ​ရွှေဒင်္ဂါးပြား​တွေအပြင်​ ​ရွှေစင်​ရုပ်​ထု​တွေကို​ပါ ​တွေ့ရှိခဲ့ရတယ်​လို့သိရပါတယ်​။

ဒီရတနာ​တွေရဲ့ တန်​​ကြေးက​တော့ 22 billion US dollar ရှိတယ်​လို့ ဆိုထားပါတယ်​။

အခုဆိုရင်​​တော့ ကမ္ဘာ​ပေါ်က ​သိန်း​ထောင်​ချီတန်​ရတနာတိုက်​ရှာ​တွေ့မှု​တွေအ​ကြောင်းကို ပရိသတ်​ကြီးလည်း တီး​ခေါက်​မိ​လောက်​ပြီထင်​ပါတယ်​။

ရွှေရောင်လမ်း
Writer – LLA