ATM စက်ထဲ မတော်တဆ ဝင်သွားပြီး ပြန်မထွက်လာခဲ့ရင်

ATM စက်ထဲ မတော်တဆ ကဒ်ဝင်သွားပြီး ပြန်မထွက်လာခဲ့ရင် ချက်ခြင်းပြန်ရမယ့် နည်းလမ်းပါ..


ညနေ ၅ နာရီကျော်လောက်က စျေးဝယ်ဖို့ ပိုက်ဆံလိုလို့ ATM ကဒ်ထုတ်ပါတယ်။ ငွေလည်း ထွက်မလာ၊ ကဒ်လည်း ပြန်ထွက်မလာတော့ လူလည်း ထူပူသွားတယ်။



နီးစပ်ရာဘဏ် ဖုန်းဆက်တော့ အခုက ဘဏ်တွေပိတ်ချိန် ဖြစ်နေတာမို့ မနက်ဖြန်မနက်မှ လုပ်ပေးလို့ရတော့မယ်။ စိတ်မပူနဲ့နော်။ မနက်ဖြန် ၉ နာရီခွဲလောက် ကဒ်လာယူ တဲ့။



သူကသာ စိတ်မပူနဲ့ ပြောတာ။ ကိုယ်မှာတော့ ဆေးခန်းပြဖို့လည်း ပိုက်ဆံမရှိ။ ကဒ်ကလည်း မတော်လို့ ပြန်ထွက်ပြီး ငွေပါ ထွက်လာရင် အချောင် ငါးသောင်းက ပါသွားမှာ။ ကဲ အကြံထုတ်စမ်းဆိုပြီး ထွက်လာတဲ့ အကြံ..



နောက်ဖုန်းတလုံးနဲ့ နီးစပ်ရာ ဘဏ်ဖုန်း ဆက်လိုက်တယ်။ ညီမရေ အကို ညီမတို့ ဘဏ်နားက ATM စက်မှာ ငါးသောင်း ထုတ်တာ သုံးသိန်း ထွက်လာတယ်။


အဲဒါ အကို ATM ကဒ်ထဲမှာ ခြောက်သောင်းပဲ ရှိတာ။ ဘယ်လို ပြန်ပေးရမလဲ ဆိုပြီးဆက်လိုက်တာ။ ၁၅ မိနစ်တောင် မကြာဘူး။ ဘဏ်ကားနဲ့ လာကြရော။



ကိုယ်လည်း ခပ်တည်တည်ပဲ။ ကဒ် ပြန်ထုတ်၊ ငွေလည်း ထုတ်ပြီး ။ ညည်းတို့က လေ ညည်းတို့ဟာလေး ပါသွားပြီဆိုတော့ ပြေးလာကြလိုက်တာ။ ငါ့ဟာလေးညည်းတို့ထဲ ညပ်ကျန်နေတော့ တစ်ည အိပ်ခိုင်းတယ်နော် လို့။ နောက်ဘဝ ခုထက်ပိုလည်သွားအောင် ဘုန်းကြီးကျောင်းမှာ ပန်ကာလေး ဘာလေး သွားလှူလိုက်ကြအုန်း သလား။ ဘယ်ရမလဲ ရွှေညဏ်တော်စူးရောက်တဲ့ ငါပါဟဲ့..


အဲ့လိုလုပ်ရင်ကောင်းမလား တွေးမိတာလေးပါ.. တကယ်မလုပ်ဖူးဘူးနော်..

မူရင်းရေးသား သူအား လေးစားစွာဖြင့် Credit ပေးပါသည်။