တော်ရုံလူက ပြောပြမှာ မဟုတ်တဲ့ အိမ်မှာ အာလူးစိုက်ရင်း ဝင်ငွေရှာနည်း

မြေနေရာမလိုပဲ အိမ်မှာ အာလူးစိုက်ရင်း ဝင်ငွေရှာပါ တော်ရုံလူက ပြောပြမှာ မဟုတ်တဲ့ အိမ်မှာနေရင်း ဝင်ငွေရှာလို့ရမယ့် နည်းလေးကို ပြောပြပါမယ်။

အာလူးကို ပုံးထဲ သို့မဟုတ် အိတ်ထဲထည့်စိုက်မည်ဆိုလျှင်

၁။ အဓိကအနေနဲ့ မြေဆွေးမြေမွဖို့ အရေးကြီးပါတယ်။

၂။ အာလူးကို အပင်ပေါက်အညှောက်လေးများ ထွက်လာသည်အထိ ထားထားပေးပါ။

ထွက်ရှိလာတဲ့ အပင်အညှောက်လေးတွေကို ဓားဖြင့်လှီးယူ၍စိုက်ပျိုးလို့ရသလိုအလုံးလိုက်ထည့်စိုက်လို့လည်း ရပါတယ်။

အိတ်ဖြင့်စိုက်မည်ဆိုပါက အိတ်အတွင်းထဲသို့မြေဆွေးမြေမွ သဲဆန်သောမြေကို တစ်ပေခန့်ထည့်၍ အာလူးကို အနည်းဆုံး (၂)ပင်(၄)အထိ့ ထည့်စိုက်ပါ။

၃။ ထည့်စိုက်ပြီးပါက အာလူးအပေါ်မှ နောက်ထပ်မြေဆွေး (၄)လက်မခန့် ဖုံးပေးထားပါ။

၄။ အာလူးအပင်ထွက်ရှိလာပါကအပင်၏အမြင့်ကိုကြည့်၍အိတ်ပြည့်သည်အထိ့မြေဆွေးကိုတစ်နေ့နည်းနည်းစီဖြည့်ပေးရပါမည်။

ရေကိုအနည်းငယ်စိုရုံလောက်သာလောင်းပေးပါ။ မြေသိပ်သွားမှာစိုးသည့်အတွက်အများကြီးလောင်းပေးစရာမလိုပါဘူး။

တစ်ခုသတိပြုရမှာကတော့တစ်အိတ်ထဲမှာအပင်ရေအများကြီးကိုထည့်မစိုက်ဖို့ပါ။အပင်ရေအများကြီးထည့်စိုက်မိလျှင် အပင်ကြပ်ပြီး ဥမဥနိုင်ဖြစ်တတ်ပါတယ်။

ဥ ဥပါကလည်းမကြီးထွားပါ။အပင်ရေနည်းနိုင်သမျှနည်းလေကောင်းလေဖြစ်ပါတယ်။စတင်စိုက်ပျိုးသည်မှ ဥများဥသည့်အထိ အနည်းဆုံး အချိန် ၂လခန့်ကြာမြင့်တတ်ပါတယ်။

ဒီလိုပုံးထဲသို့မဟုတ် အိတ်ထဲအာလူးကိုထည့်စိုက်ခြင်းဟာအဟာရဓာတ်မြေသြဇာ အလေအလွင့်မရှိသလို ပေါင်းမြက်လည်း ကင်းစင်၍ ဥလည်းပိုမိုကြီးထွားစေပါတယ်။

ဓာတ်မြေသြဇာထည့်ပေးချင်ပါက တီစူပါ ပုလဲဓာတ်မြေသြဇာကို အနည်းငယ်ထည့်ပေးလို့ရပါတယ်။

မူရင်း ရေးသားသူအား လေးစားစွာဖြင့် Credit ပေးပါသည်။