အပင်မျိုးစုံကို ဘွန်စိုင်း အပင်ငယ်လေးတွေ ဖြစ်အောင် အလွယ်တကူ စိုက်ပျိုးနည်း

အပင်မျိုးစုံကို ဘွန်စိုင်း အပင်ငယ်လေးတွေ ဖြစ်အောင် အလွယ်တကူ စိုက်ပျိုးနည်း

နည်းပညာတွေဟာ ဂျပန်လူမျိုးများက စတင်စမ်းသပ်စိုက်ပျိုးလာခြင်း ဖြစ်ပါတယ်။

တကယ်တော့ ဘွန်စိုင်းပင်ဆိုတာက အပင်တစ်ပင်ရဲ့ ရေသောက်မြစ်ကို ဖြတ်တောက်ပြီး အခြားသော အမြစ်ငယ်များဖြင့် ကျောက်တုံးခဲလေးများပေါ်၌ မြေဆွေးဖြူးပြီး စိုက်ပျိုးခြင်းဖြစ်ပါတယ်။

အရင်ဆုံး ငရုတ်ပင်ကို ဘွန်စိုင်းပင် ဖြစ်အောင် ပြုလုပ်နည်း။
==========================================

မိမိမှာ အပင်အမျိုးအစားအပေါ်မှုတည်ပြီး Bonsai pots လို့ခေါ်တဲ့ အပင်ထည့်စိုက်ရန်အတွက် စောက်တိမ်ပြီး အောက်ခြေ၌ အပေါက်ငယ်လေးများ ဖောက်ထားသော အင်တုံ အိုးငယ်လေးများ အဆင်သင့် ရှိထားရပါမယ်။

ပထမဆုံး မိမိစိုက်ပျိုးလိုသော ငရုတ်ပင် တစ်ပင်ကို အမြစ်များပါရှိအောင် နုတ်ယူပါ…နုတ်ယူပြီးပါက အပင်ရဲ့ အကိုင်းအတက်များကို သေချာသန့်စင်အောင် ဖြတ်တောက်ပစ်ပါ။

နုတ်ယူပြီးသော ငရုတ်ပင်မှ မြေဆွေးများကို ကုန်စင်အောင် ခါချပြီး အပင်၏ အလယ်တည့်တည့်၌ရှိသော ရေသောက်မြစ်လို့ခေါ်တဲ့ အမြစ်မကြီးကို အပင်၏ အောက်ခြေအရင်းမှ ကတ်ကြေးဖြင့် ဖြတ်တောက်ပစ်လိုက်ပါ။

အခြားကျန်ရှိသော အမြစ်ငယ်များကိုဖြတ်တောက်မပစ်ပါနဲ့ ရေသောက်မြစ် ဖြတ်တောက်ပြီးပါက Bosai potလို့ခေါ်တဲ့ အောက်ခြေ၌ အပေါက်ဖောက်ထားသော အိုးငယ်အတွင်းသို့ ပထမဆုံး မြစ်ကျောက်ခဲလေးများကို အောက်ခြေ၌ အနည်းငယ် ခင်းထားပေးပါ။

ကျောက်တုံး ကျောက်ခဲလေးများပေါ်တွင်ငရုတ်ပင်ကို အိုး၏ အလယ်တည့်တည့်၌ တည့်မတ်ပြီး ပင်စည်တွင် ကျန်ရှိနေသော အမြစ်ငယ်လေးများကို ကျောက်တုံး ကျောက်ခဲများပေါ်၌ သေချာအောင် ဖြန့်ဖြူးပေးပါ ။

အမြစ်ငယ်များ ကျောက်တုံးများပေါ်တွင် သေချာဖြန့်ဖြူး ခင်းကျင်းပြီးပါက အမြစ်များပေါ်သို့ မြေဆွေးထပ်မံ၍ ဖုံးအုပ်ပေးပြီး ရေကို စိုစွတ်ရုံမျှ လောင်းပေးရပါမယ်။

ရေလောင်းပြီးပါက မြေဆွေးများပေါ်သို့ မိမိ၏အနီးအနားပတ်ဝန်းကျင်ရှိ ရေတွင်းရေကန်များ၌ ပေါက်ရောက်သော ရေညှိစိမ်းများကို ခွာယူပြီး ၎င်း အပေါ်မှ ခပ်ပါးပါး ထပ်မံဖုံးအုပ်ပေးထားရပါမယ်။

ဤသို့ အဆင့်ဆင့်ပြုလုပ်ပြီးပါက အပင်ကိုနေရိပ်ထဲသို့ပြောင်းရွေ့ထားပြီး အပင်ရှင်သန်လာအောင် နေ့စဉ် ဂရုစိုက်ပေးရပါမယ်။

တစ်ပတ်အတွင်း အပင်ရှင်သန်သွားပါက ၎င်း ပင်စည်မှ အပင်အတက်လေးများဟာ စတင်ထွတ်ရှိလာပြီး တစ်နေ့တခြား ကြီးထွားရှင်သန်လာပါလိမ့်မယ်။

ထွက်ရှိလာသော အကိုင်းအတက်များကို မိမိလိုချင်သလို ကြေးနန်း ၀ါယာကြိုးဖြင့် လိုသလိုပုံစံသွင်းယူရပါမယ်။

အပင်တစ်ပင်ကိုရေသောက်မြစ်ဖြတ်တောက်ထားခြင်းကြောင့် ရှေ့ဆက်မကြီးထွားနိုင်တော့ပဲ မိမိဟာ တစ်ပေခန့် ဖြတ်တောက်ထားရင် တစ်ပေအမြင့်သာ အစဉ်ထာဝရ ရှင်သန်ပြီးအသီးအပွင့်များဝေဆာပွင့်လန်းနေမှာဖြစ်ပါတယ်။

မည်သည့်အပင်မျိုးမဆို ဒီနည်းအတိုင်း ဘွန်ဆိုင်းပင်ဖြစ်အောင် ပြုလုပ်လို့ရပါတယ်။

Credit – စိုက်ပျိုးရေး နည်းပညာ

(((( ဒီ Post လေးက အသုံးဝင်တယ် ဆိုရင်
Share တစ်ချက် လုပ်ပြီး မျှဝေပေးလိုက်ပါ ခင်ဗျာ ))))

မူရင်း ရေးသားသူအား လေးစားစွာဖြင့် Credit ပေးပါသည်။

Photo Credit to Owners