အောင်မြင်တဲ့ Fighter မဖြစ်ခင်က ပျားလုပ်သား လုပ်ခဲ့ဖူးတယ် ဆိုတဲ့ အောင်လ အန် ဆန်

မြန်မာနိုင်ငံက ပရိသတ်တွေ အားပေးမှုကို အပြည့်အဝ ရထားတဲ့ အပြင် တကမ္ဘာလုံးက ပရိသတ်တွေ အခိုင်အမာရှိတဲ့ MMA Fighter တယောက်ဖြစ်တဲ့ အောင်လအန်ဆန်ကိုတော့ တော်တော်များများလည်း သတိထားမိကြမယ် ထင်ပါတယ်။

အောင်လအန်ဆန်ကတော့ သူ့ရဲ့ လှုပ်ရှားမှုနဲ့ သူ့ရဲ့အကြောင်းလေးတွေကိုလည်း ဖေ့ဘုတ်ပေါ်မှာ အမြဲတမ်းလိုလို သူ့ပရိသတ်တွေအတွက် ပြောပြပေးနေကြ ဖြစ်ပါတယ်။

အောင်လအန်ဆန်ကတော့ လက်ရှိမှာလည်း သူ Fighter တယောက် မဖြစ်ခင် အချိန်တုန်းက သူလုပ်ခဲ့ရတဲ့ အလုပ်အကြောင်း ပြောပြသွားခဲ့ပြီး သူဘယ်လိုတွေ လုပ်ခဲ့ရလည်းဆိုတဲ့ အကြောင်းကို ရေးသားဖော်ပြထားတာ ဖြစ်ပါတယ်။

အောင်လအန်ဆန်ကတော့ သူ့ရဲ့ဖေ့ဘုတ်ပေါ်မှာတော့ “2008 ခုနှစ်မှာ ကောလိပ်တက်ပြီးတဲ့နောက် ကျွန်တော် Eisele Honey and Bee Pollination ကုမ္ပဏီ မှာအလုပ်ဝင်လုပ်နေ ခဲ့ပါတယ်။ ကျွန်တော် ဖလော်ရီဒါ ပြည်နယ်၊ ဖဲလ်ဒါမှာရှိတဲ့ ပန်းခြံငယ်လေးထဲက နောက်တွဲ ယာဉ်ငယ်လေးထဲမှာ နေထိုင်ပြီး ပျားမွေးမြူရေး အလုပ်သမားအနေနဲ့ လုပ်ကိုင်ခဲ့ပါတယ်။

ကျွန်တော် နေ့တိုင်းနီးပါး ပျားတုပ် ခံရပေမယ့် ကျွန်တော့်အလုပ်ကို ကျွန်တော် နှစ်သက်ပါတယ်။ အိမ်ပြင်ထွက် အလုပ်လုပ်ရတာတွေ၊ ပျားရည်ထုတ်ရတာတွေ၊ ကယ်လီဖိုးနီးယားက ဗာဒံတွေ၊ ဝစ်ကွန်ဆင် က အချဉ်ရည်လုပ်တဲ့ ဘယ်ရီသီး အနီရောင်တွေ၊ မီချီဂန်က ဘလူးဘယ်ရီနဲ့ ဖလော်ရီဒါ လိမ္မော်သီးတွေကို ဝတ်မှုံကူးပြီး အသီးသီးအောင ်လုပ်ရတာတွေကို အရမ်းပျော်ရွှင် ခဲ့ရပါတယ်။

လွပ်လပ်ပေါ့ပါးမှုကို ခံစားရပြီး ဒီလို ဘဝနေထိုင်မှုက ရိုးရှင်းပါတယ်။ ဒါပေမယ့် ပျားလုပ်သား အဖြစ်လုပ်ကိုင်နေတဲ့ အချိန်မှာ MMA အားကစားကို နှစ်သက်တဲ့ ကျွန်တော့် အတွက်ကတော့ ဒီအားကစားနည်းနဲ့ ပတ်သက်တဲ့ အိပ်မက်တွေက ရှေ့မဆက်နိုင်ပဲ နောက်ပြန်ဆုတ်နေပါတယ်။

ဒါကြောင့် ကျွန်တော့် အိပ်မက်ကို အကောင်အထည်ဖော်ဖို့ လက်ရှိလုပ်ကိုင်နေတဲ့ ပျားလုပ်သား အလုပ်ကို နားလိုက်ပါတယ်။ အဲဒီနောက် ကျွန်တော် ဖြတ်သန်းခဲ့ရတဲ့ ခရီးရှည်ကြီးအတွက် ကျွန်တော် ကျေနပ်ပြီး အရမ်းပျော်ရွှင်ခဲ့ရပါတယ်

ကျွန်တော့်ကို အလုပ်အကိုင်ပေးခဲ့တဲ့ ကျွန်တော်ရဲ့ အလုပ်ရှင်ဟောင်း SteveEisele ကို ကျွန်တော့်ကို ဒီဓာတ်ပုံတွေပို့ပေး၊ အလုပ်ပေးခဲ့တဲ့ အတွက် အရမ်း ကျေးဇူးတင်ကြောင်း ပြောချင်ပါတယ်” ဆိုပြီး ရေးသားထားတာ ဖြစ်ပါတယ်။

အောင်လအဆန်ဆန်ကတော့ တချိန်က ပျားလုပ်သားလုပ်ခဲ့ပေမယ့်လည်း သူ့ရဲ့ Fighter အိမ်မက်အတွက် အဲ့အလုပ်ကို စွန့်လွတ်ခဲ့တယ်ဆိုတဲ့ အကြောင်းလေးကို ရေးသားထားတာ ဖြစ်ပါတယ်။

မူရင်း ရေးသားသူအား လေးစားစွာဖြင့် Credit ပေးပါသည်။
Photo Credit to Owners