ဂျပန်လူမျိုးတွေလို ကြမ်းပေါ်မှာ အိပ်တဲ့အခါ ရရှိလာမယ့် အကျိုးကျေးဇူးများ

ဂျပန်လူမျိုးတွေလို ကြမ်းပေါ်မှာ အိပ်တဲ့အခါ ရရှိလာမယ့် အကျိုးကျေးဇူးများ

ဂျပန်လူမျိုးတွေလို ကြမ်းပေါ်မှာ အိပ်တဲ့အခါ ဒီလိုအကျိုးကျေးဇူးတွေ ရလာမှာပါ

ဂျပန်နိုင်ငံဆိုတာနဲ့ နည်းပညာတွေ အရမ်းကို ဖွံ့ဖြိုးတိုးတက်ပြီး ချစ်စရာကောင်းတဲ့ ကောင်မလေးတွေ ရှိနေတဲ့ နိုင်ငံတစ်ခုကို ပြေးမြင်မိတတ်ကြပါတယ်။

ယဉ်ကျေးမှုတွေ ကြီးမားပြီးတော့ ရိုးရာကို အမြတ်တနိုးထားတဲ့ ခေတ်မှီတဲ့ လူ့အဖွဲ့အစည်းလည်း ဖြစ်ပါတယ်။

သဘာဝပတ်ဝန်းကျင်ဟာလည်း အရမ်းကို လှပတာကြောင့် လူတိုင်းက ဂျပန်ကို ရောက်ဖူးချင်ကြပါတယ်။

အဲဒါဆို ဂျပန်လူမျိုးတွေက ကြမ်းပြင်မှာ ဘာကြောင့်အိပ်ကြသလဲ။ ဇာတ်ကားတွေ ကြည့်ရင်ဖြစ်ဖြစ်၊ Anime တွေ ကြည့်ရင်ပဲဖြစ်ဖြစ် ဂျပန်လူမျိူးတွေဟာ ကုတင်တွေ၊ မွေ့ရာတွေကို သိပ်အသုံးပြုတာတွေ့ရမှာ မဟုတ်ပါဘူး။

ဒါဟာ အိပ်ခန်းကို နေရာသိပ်မယူသလို သဘာဝကပေးတဲ့ ကျန်းမာရေး အကျိုးကျေးဇူးတွေကို ရရှိလို့ပဲဖြစ်ပါတယ်။

ဒါဆို ဘာတွေလဲ ဆိုတာသိဖို့ တူတူလေ့လာကြည့် လိုက်ရအောင်။

၁။ နာကျင်မှုကို သက်သာစေတယ်။

ကြမ်းပြင်ပေါ်မှာ အိပ်စက်ခြင်းက သင့်ကို ကျောရိုးနာတာကနေ သက်သာစေပါတယ်။

ကျောရိုးနာတာဟာ အသက်မရွယ်မရွေးဖြစ်တတ်ပြီးတော့ တော်တော်ကိုခံစားရခက်စေပါတယ်။

မွေ့ရာပေါ်မှာ နှစ်ရှည်လများစွာ အိပ်စက်ခြင်းက အစပိုင်းမှာ နူးညံ့ပေမယ့် ကြာလာရင်တော့ မွေ့ရာက အတွင်းကို ချိုင့်ဝင်သွားတာကြောင့် သင့်ရဲ့ကျောရိုးပုံစံကို ပျက်စေပါတယ်။


၂။ ကျောရိုးဖြောင့်စေတယ်။

ခေါင်းအုံးမပါပဲ အိပ်စက်တာက သင့်ကျောရိုးကို အဖြောင့်အတိုင်း ဖြစ်စေပြီးတော့ အသက်ရှူရတာကိုလည်း အထောက်အကူ ဖြစ်စေပါတယ်။

ခေါင်းအုံးနဲ့အိပ်စက်တဲ့အခါ မြင့်နေရင် အသက်ရှူလမ်းကြောင်းကို ခေါက်စေပြီးတော့ နိမ့်လွန်းရင်လဲ အိပ်ရတာ အဆင်မပြေစေပါဘူး။

ဒါကြောင့် သဘာဝအတိုင်း အိပ်စက်တာက သင့်ကိုအကျိုးရှိစေမှာပါ။

၃။ သွေးလည်ပတ်မှုကို ကောင်းစေတယ်။

ကြမ်းပြင်ပေါ်မှာ အိပ်တာက အကြောထုံးတာတွေ၊ တဆစ်ဆစ်ကိုက်တာတွေကို ကာကွယ်ပေးပါတယ်။

မွေ့ရာပေါ်မှာ အိပ်တဲ့အခါ ခန္ဓာကိုယ်က ကွေးသွားပြီး နှလုံးသွေးကြောနဲ့ပတ်သက်တဲ့ပြဿနာတွေဖြစ်လာစေပါတယ်။

၄။ မနက်ထရတာ လန်းဆန်းစေတယ်။

ခေါင်းအုံးနဲ့အိပ်စက်ရင် ခေါင်းကိုက်တာကိုတော့ အနည်းအကျဉ်း ခံစားရဖူးမှာပါ။

ကြမ်းပြင်ပေါ်မှာ ဒီတိုင်းအိပ်ရင်တော့ သင်မနက်အိပ်ယာထရင် ခေါင်းကိုက်မှုရှိစေမှာမဟုတ်ပါဘူး။

စစပိုင်းမှာတော့ ခေါင်းနာကျင်ပေမယ့် နောက်ပိုင်းကျင့်သားရသွားရင် သင်ခေါင်းအုံးတောင် လိုချင်တော့မှာမဟုတ်ပါဘူး

၅။ သင့်ကို ငွေကုန်ကြေးကျ သက်သာစေတယ်။

လူတစ်ယောက်ဟာ အိပ်ယာပေါ်မှာ သုံးဖို့အတွက် နှစ်စဉ်ဒေါ်လာ (၁၀၀၀) လောက် ကုန်ပါတယ်။

အိပ်ယာခင်းဝယ်လိုက်၊ ခေါင်းအုံးဝယ်လိုက်၊ အစွပ်ဝယ်လိုက်၊ ဖက်လုံးဝယ်လိုက်စတဲ့ဟာတွေ ဝယ်လို့ကို မကုန်နိုင်ပါဘူး။

ကြမ်းပြင်ပေါ်မှာ အိပ်စက်တာကတော့ သင့်ကိုဒေါ်လာထောင်နဲ့ ချီပြီးတော့ကို သက်သာစေမှာပါပဲ။

ကြမ်းပြင်ပေါ်မှာ အိပ်စက်တာကို ရှောင်သင့်တဲ့သူတွေလဲ ရှိပါတယ်။ ဒါတွေကတော့

(၁) ဓာတ်မတည့်တတ်သူ

ဘာကြောင့်လဲဆိုတော့ ကြမ်းပြင်ပေါ်မှာ ဖုန်တွေစုနေတတ်တာကြောင့် မအိပ်သင့်တာပါ။ မတော်တဆရှူမိရင် နှာစေးတာတွေ နှာချေတာတွေဖြစ်လာနိုင်ပါတယ်။

(၂) အရိုးရောဂါရှိတဲ့သူ

အရိုးရောဂါရှိသူတွေဟာလည်း ကြမ်းပြင်မှာ အိပ်စက်ဖို့ မသင့်ပါဘူး။ အဲဒီလို အိပ်စက်ခြင်းက သင့်အဆစ်တွေကို နာကျင်စေပြီးတော့ ကောင်းကျိုးထက် ဆိုးကျိုးက ပိုများနေလို့ပါ။

(၃) အသက်အရွယ်ကြီးသူတွေ

အသက်အရွယ်ကြီးသူတွေကတော့ ထိုင်ရထရခက်ခဲတာကြောင့် ကြမ်းပြင်မှာ အိပ်မယ်ဆိုရင်တော့ အဆင်မပြေနိုင်ပါဘူး။

(၄) အအေးမိလွယ်သူ

ဒါကလည်း သတိပြုသင့်တဲ့ အခြေအနေပါပဲ။ ကိုယ်ကလွယ်လွယ်နဲ့ ဖျားတတ်သူဆိုရင်တော့ ကြမ်းပြင်မှာ မအိပ်တာ အကောင်းဆုံးပါပဲ။

မူရင်း ရေးသားသူအား လေးစားစွာဖြင့် Credit ပေးပါသည်။
Photo Credit to Owners