၁၀ ရက်ကနေ ၁၅ ရက်လောက်ထိ အသီးအရွက်ကြာရှည်ခံအောင် သိမ်းနည်း

၁၀ ရက်ကနေ ၁၅ ရက်လောက်ထိ အသီးအရွက်ကြာရှည်ခံအောင် သိမ်းနည်း

အသီးအရွက်လေးတွေ ကြာရှည်ခံအောင်သိမ်းနည်း

ဒီနည်းက ၁၀ ရက်ကနေ ၁၅ ရက်လောက်ထိ အထားခံပါတယ်ရှင်။

စျေးကဝယ်လာတဲ့ အသီးအရွက်တွေကို ရေမဆေးသေးဘဲ သတင်းစာစက္ကူဖြင့် လုံအောင်ထုပ်ပြီး

ရေခဲသေတ္တာထဲ ထည့်သိမ်းထားရင် ပုံမှန်ထက် အထားပိုခံပါတယ်နော်။

ခုလိုအချိန်မျိုးမှာ အပြင်ကို နေ့တိုင်းမသွားသင့် စျေးထွက်မဝယ်သင့်တာမို့ ဒီနည်းလေးက အသုံးဝင်မယ်ထင်ပါတယ်။

ရေခဲသေတ္တာမရှိတဲ့နေရာမျိုးမှာဆို သတင်းစာစက္ကူမသုံးပဲ ပုဆိုး (သို့) အဝတ်ရေစိုဖြင့် ပတ်ထားပြီး သိမ်းထားလို့ရပါတယ်နော်။

ရေစိုအဝတ်ဆိုတာက အဝတ်ကို ရေရွှဲရွှဲကြီးမဟုတ်ပဲ မစိုမခြောက်လေးညှစ်ပြီး ပတ်ထားဖို့ကိုဆိုလိုတာပါ။

ငရုတ်သီးစိမ်းတွေက အညှာခြွေပြီးသိမ်းရင် ပိုခံပါတယ်။ သတင်းစာနဲ့ ပတ်ပြီးရင်တော့ အထုပ်လေးတွေပေါ်မှာ စာရေးထား/ ကပ်ထားဖို့လိုပါမယ်နော်။

ကြက်သွန်ဖြူ/ ကြက်သွန်နီ/ အာလူး/ ဂျင်း (ချင်း) တို့ကို လေဝင် လေထွက်ရှိစေတဲ့ ခြင်းတွေနဲ့ ထည့်ထားပါ။

ကန်ဇွန်းဥ/ ပိန်းဥ/ ပြောင်းဖူးတို့ကို အပြင်မှာပဲထားပြီး ခြောက်မသွားရအောင် အဝတ်ရေစိုနဲ့ အုပ်ထားပါ။

နေ့စဉ်နေ့တိုင်း အခြောက်အခြမ်းတွေပဲ ရေရှည်မှာ မစားနိုင်ပါဘူး။ ကျန်းမာရေးအတွက်လည်း မကောင်းပါဘူး။

စိမ်းစိမ်းစိုစိုလေးတွေ အမြဲချက်စားလို့ရအောင် တစ်ခါစျေးဝယ်ထားပြီး သိမ်းထားရင် ၁၅ ရက်လောက် အေးဆေးဖြည်းဖြည်းချင်း ချက်စားလို့ရပါတယ်နော်။

Credit > Thida Lay Lay